“მოეშვით პოლიტიკური ნიშნით ახალგაზრდების დევნას” – მოძრაობა “გაბედე” რესპუბლიკის მოედანზე აქცია-პერფორმანსს მართავს. მათ გალია მიიტანეს, შიგნით კი სათამაშო ზებრა გალიას ჯაჭვით მიაბეს. ინფორმაციას იმედინიუსი ავრცლებს.
გალიაზე ასევე გააკრეს ბიძინა ივანიშვილის ფოტო. მათი თქმით, თუ პარტიის ლიდერი ხალხის მოთხოვნას არ შეასრულებს და 2020 წლის არჩევნებს პროპორციული წესით არ ჩაატარებს, ივანიშვილიც ციხეში აღმოჩნდება.
ცოტა ხნის წინ ოპოზიციამ და მმართველმა გუნდმა განცხადებები გააკეთეს. კახა კალაძის თქმით, 2020 წლის არჩევნები შერეული საარჩევნო სისტემით ჩატარდება, ასევე, განაცხადა, რომ “ქართული ოცნება“ რიგ საარჩევნო ოლქში მაჟორიტარობის კანდიდატებს არ დააყენებს.
მამანდე, 14 ნოემბერს პარლამენტმა პროპორციულ სისტემაზე გადასვლასთან დაკავშირებით კანონპროექტი ჩააგდო, რის შემდეგ საპროტეტსო აქციები დაიწყო. პარლამენტის წინ მიმდინარე აქცია და პიკეტი შსს-მ წყლის ჭავლის გამოყენებით დაშალა.
შსს-მ ადმინისტრაციულ სამართალდარღვევათა კოდექსით გათვალისწინებული დარღვევისთვის აქციის მონაწილე 37 პირი დააკავა. მათ ნაწილს ადმინისტრაციული პატიმრობა შეუფარდეს. ნაწილის სასამართლო პროცესი ჯერ არ გამართულა.
აქციის დაშლის შემდეგ ოპოზიციამ პროტესტი ახალი ფორმა “მაინც დაგაბოქლომებთ” დაიწყეს. ისინი სხვადასხვა ადმინისტრაციულ შენობებს ბოქლომებს ადებენ. პროტესტის მონაწილეებმა სიმბოლურად უკვე “დააბოქლომეს” პროკურატურა და მთავრობის კანცელარია.
პარასკევს “ევროპულმა საქართველომ” სიმბოლურად ბოქლომების დადების აქცია რეგიონებში, მაჟორიტართა ბიუროების ოფისებზეც გამართა და რამდენიმე მაჟორიტარის ბიუროს ოფისის კარებზე სიმბლლური ბოქლომები დაკიდეს, ასევე გააკრეს სტკერები წარწერით – “დალუქულია”.
აქციიის მოთხოვნაა, 2020 წელს პროპორციული საპარლამენტო არჩევნების ჩატარება. უმრავლესობის სხდომოს პარალელურად საპროტესტო აქცია იმართებოდა “ქართული ოცნების” ოფისი წინ.
გარდა ამისა, სამოქალაქო საზოგადოება და ოპოზიცია დღეს, 25 ნოემბერს, 19:00 საათზე აქციას გამართავს, რის შემდეგაც, პარლამენტის პიკეტირებას მოახდენს. აქტივისტები სამშაბათის პლენარული სხდომის ჩაშლას აპირებენ.
