ვინ რას წყვეტს? – გაარჩიე უფლებამოსილებები

სწორი პასუხი: განათლების სამინიტრო

დაიმახსოვრე: ჩვენს ქვეყანაში სასკოლო ინფრასტრუქტურის განახლება დღემდე ცენტრალიზებულად იგეგმება და მუნიციპალიტეტი, მიუხედავად იმისა, რომ სკოლა მის ტერიტორიაზეა, გადაწყვეტილების მიღების პროცესში არ მონაწილეობს. ამიტომაც, თუ რომელიმე სკოლის განახლება მართლაც გსურს, მოგიწევს, თბილისში განათლების სამინისტროს ესტუმრო.

სწორი პასუხი: მუნიციპალიტეტის საკრებულო

დაიმახსოვრე: ქუჩის, სკვერის და სხვა მუნიციპალური ობიექტისთვის სახელის დარქმევა ან შეცვლა საკრებულოს პრეროგატივაა. ამიტომაც, თუ მართლაც შემორჩა შენს დასახლებაში რომელიმე ქუჩას ისეთი სახელი, რომელიც კანონმდებლობითაც კი აკრძალულია, არ დაიზარო და დაუყოვნებლივ მიმართე საკრებულოს.

სწორი პასუხი: არა, ვინაიდან ეს ცენტრალური ხელისუფლების კომპეტენციაა

დაიმახსოვრე: მუნიციპალიტეტებში ჯანმრთელობის დაცვის დაწესებულებები, უმეტესად, ჯანდაცვის სამინისტროს ექვემდებარება, ამიტომაც, მასთან დაკავშირებული საკითხები, მათ შორის, საავადმყოფოს მშენებლობა, გაფართოება, მთავარი ექიმისა თუ პედიატრის დანიშვნაც კი, ამ უწყებაში წყდება. მერს არ აქვს უფლება, დამოუკიდებლად რაიმე გადაწყვეტილება მიიღოს.

სწორი პასუხი: ადგილობრივ თვითმმართველობას

დაიმახსოვრე: ბიბლიოთეკები მუნიციპალიტეტის საკუთრებაა, ამიტომაც მისი რეაბილიტაცია სწორედ მერიის ვალდებულებაა. თუ მართლაც დგას შენთან ამგვარი პრობლემა, მოითხოვე, რომ მომდევნო წლის ბიუჯეტში მისი რეაბილიტაციისთვის თანხები გამოყონ.

სწორი პასუხი: ეკონომიკის სამინისტროს

დაიმახსოვრე: თუ შენობა, არა მუნიციპალურ, არამედ სახელმწიფო საკუთრებაშია, მასზე პასუხისმგებელი ეკონომიკის სამინისტროა და მუნიციპალიტეტი ვერაფერს იზამს. უფრო მეტიც – მუნიციპალიტეტმა, საფრთხის გათვალისწინებით, მისი დემონტაჟი თუ განახორციელა, აუდიტის სამსახური დარღვევად ჩაუთვლის და მას აუცილებლად დააჯარიმებენ. ბევრი ასეთი შენობა გახსენდება, ხომ? იმიტომ, რომ ამ დრომდე ქვეყანამ ქონებრივი დეცენტრალიზაცია არ მოახდინა და ძველი, საბჭოთა დაწესებულებების ნახევრად დანგრეული შენობები ისევ სახელმწიფო საკუთრებაშია. ეკონომიკის სამინისტრო მათ ვერ უვლის, მუნიციპალიტეტს – უფლება არ აქვს, ხალხი კი ზარალდება.

სწორი პასუხი: მუნიციპალიტეტის მერიას

დაიმახსოვრე: საბავშვო ბაღების ინფრასტრუქტურაზე, უსაფრთხოებასა და სამეურნეო საკითხებზე ზრუნვა ადგილობრივი თვითმმართველობის პირდაპირი პასუხისმგებლობაა. განათლების სამინისტრო მხოლოდ სკოლებზეა პასუხისმგებელი. ამიტომაც, თუ მართლაც გაწუხებს ასეთი პრობლემა, აუცილებლად მიმართე მერიას.

სწორი პასუხი: გარემოს დაცვის სამინისტროს

დაიმახსოვრე: საქართველოში არაერთ მუნიციპალიტეტში მოქალაქეებს მიაჩნიათ, რომ ხრეშის კარიერის გახსნა მერის საქმეა, მაგრამ, რეალურად, ნებართვები გარემოს დაცვის სამინისტროში გაიცემა. იმის გამო, რომ დღემდე ყველაფერს ცენტრში წყვეტენ, ადგილობრივი თვითმმართველობა გადაწყვეტილების მიღების პროცესში არც კი მონაწილეობს.

სწორი პასუხი: მუნიციპალიტეტის მერიის

დაიმახსოვრე: დასუფთავება და ნარჩენების მართვა ადგილობრივი საჯარო სერვისებია და მუნიციპალიტეტის პასუხისმგებლობაა, თუნდაც ეს სერვისი რომელიმე კერძო კომპანიისთვის ჰქონდეს მიბარებული. ამიტომაც, თუ ანტისანიტარიის პრობლემა გაწუხებს, მერიას რეაგირება თამამად მოსთხოვე!

სწორი პასუხი: მუნიციპალიტეტის საკრებულოს

დაიმახსოვრე: შესაძლოა, წინადადება მერმა მოამზადოს, მაგრამ საბოლოო გადაწყვეტილებას მუნიციპალიტეტის საკრებულო იღებს.

სწორი პასუხი: ეკონომიკის სამინისტროს შესაბამისმა სსიპ-მა

დაიმახსოვრე: მართალია, გენგეგმის დამტკიცება, ფორმალურად, მუნიციპალიტეტის საკრებულოს უფლებამოსილებაა, მაგრამ აქამდე მისასვლელად ეკონომიკის სამინისტროს დაქვემდებარებაში მყოფი სსიპ-ის – „სივრცითი და ქალაქმშენებლობითი განვითარების სააგენტოს“ გარეშე ვერ მიხვალთ. სწორედ ეს უწყება არჩევს კომპანიებს, ვინც გენგეგმები უნდა შეიმუშავოს. ახლა გიკვირს, უმეტესად რატომ არ ვარგა ეს დოკუმენტები და რატომ არ არის მოქალაქეთა ინტერესები გათვალისწინებული? – ცენტრი წყვეტს, მუნიციპალიტეტი ხელს უწევს.