რუსთავის მუნიციპალიტეტს რეგიონებში განსახორციელებელი პროექტების ფონდიდან 2019 წელს 10 პროექტი 7 724 144 ლარით დაუფინანსდა.
რეგიონული განვითარებისა და ინფრასტრუქტურის სამინისტროს მიერ მოწოდებული ინფორმაციით, ინფრასტრუქტურული პროექტების ფარგლებში, რეგფონდიდან ქალაქ რუსთავში გარეჯის ქუჩის გაგრძელებისა და გაგარინის ქუჩის დარჩენილი ნაწილის ა/ბეტონის საფარისა და სანიაღვრე ქსელის რეაბილიტაციას 2 638 466 ლარი, ხოლო მარცხენა სანაპიროს გზების, ტროტუარებისა და ეზოების საფარის რეაბილიტაციასა და სანიაღვრე სისტემების მოწყობას 1 823 444 ლარი მოხმარდება.
ამავე ფონდიდან, ფიროსმანისა და დუმბაძის ქუჩებს შორის მდებარე სკვერის რეაბილიტაციისთვის 608 182, ფალიაშვილის ქუჩის მიმდებარედ ე.წ.”ჩიკაგოს” სკვერის რეაბილიტაციისთვის კი 1 125 431 ლარი დაიხარჯება.
ასევე, ინფრასტრუქტურული პროექტების ფარგლებში, ქუთაისის ქუჩის ტროტუარის რეაბილიტაცია 254 135, მე-18 და მე-19 მიკრორაიონის დამაკავშირებელლი გზების მოწყობა 413 775, N27 საბავშვო ბაღი შენობის გამაგრება (მესხ.მე-3-ე N4ა) 262 991, ხოლო N17 ბაღის შენობის ფლიგელების დამაკავშირებელი დერეფნის რეაბილიტაცია 88 054 ლარით დაფინანსდა.
ამასთან, გოგებაშვილის ქუჩისა და მისი მიმდებარე ეზოების (გოგებაშვილის N3,5,7 ოდიშარიას N30 მშენებელთა N22,24,26 ბოსტანქალაქის N17,19,21) ა/ბეტონის საფარის რეაბილიტაციისთვის რეგფონდიდან 326 601 ლარი, ჭყონდიდელის დასახლებაში გზების, ტროტუარების და ეზოების საფარის რეაბილიტაციისთვისა და სანიაღვრე სისტემების მოწყობისთვის კი 183 065 ლარი გამოიყო.
აღნიშნულ პროექტებზე, თანადაფინანსების წესით, თანხას მუნიციპალიტეტიც გამოყოფს. ჯამში 2019 წელს რეგფონდიდან და მუნიცპალური ბიუჯეტიდან ამ პროექტების განსახორციელებლად 8 151 209 ლარი დაიხარჯება.
ამასთან, ცნობილია, რამდენი ლარის ღირებულების ინფრასტრუქტურული პროექტები დაფინანსდა რეგფონდიდან წალკის, ბოლნისის, თეთრიწყაროს, დმანისის, გარდაბნისა და მარნეულის მუნიციპალიტეტებში.
