ზუგდიდში გამსახურდიასა და კეიდიას ქუჩაზე მომუშავე გარემოვაჭრეები ადგილობრივი ხელისუფლებისგან გარევაჭრობის უფლებას ითხოვენ და აცხადებენ, რომ გარევაჭრობა შემოსავლის ძირითადი წყაროა. ინფორმაციას იმედინიუსი ავრცელებს.
თავად, მერიის ზედამხედველობის სამსახურში კი აცხადებენ რომ ყველა მოვაჭრისთვის ალტერნატიული ფართი შეთავაზებულია და მიმდინარე კვირას ზუგდიდში ყველა მისამართზე გარევაჭრობა აიკრძალება.
ზუგდიდის მერიის ზედამხედველობის სამსახურის თანამშრომლებმა, წუხელ რუსთაველისა და კეიდიას ქუჩაზე არსებული გარემოვაჭრეების დახლები აიღეს.
