ზუგდიდში #27 სამაჟორიტარო ოლქში სავარაუდოდ მეორე ტური გაიმართება. ამის შესახებ ჟურნალისტებს საოლქო კომისიის თავმჯდომარემ მირანდა მესხმა განუცხადა. მისივე ინფორმაციით, ამ დროის მონაცემით 50 + 1 % ბარიერი ვერცერთმა პარტიამ ვერ გადალახა, თუმცა აღნიშნა, რომ ეს საბოლოო შედეგი არ არის.
„ეს მონაცემები გასაკონტროლებელია, ყველა ოქმი არის ისევ თავიდან გასავლელი. ეს არის წუხელ მექანიკურად შეყრილი მონაცემები. ეს ციფრები გასავლელია თავიდან”, – აცხადებს მირანდა მესხი.
მისივე ინფორმაციით, 109 უბნის მონაცემები ასე გადანაწილდა: პროპორციული სიით- “ბაქრაძე , უგულავა, ბოკერია -ევროპული საქართველო – 4,17%, “ერთიანი ნაციონალური მოძრაობა” – 38,1 %, “პატრიოტთა ალიანსი” – 1,5%, “სტრატეგია აღმაშენებელი” – 1,84%, “გირჩი” -1,4%, “ქართული ოცნება” – 46, 6%, “ლელო” -1,76%.
რაც შეეხება მაჟორიტარულ სიას – “ევროპული საქართველო” – 7,1%, ” ნაციონალური მოძრაობა” – 36,87, “პატრიოთა ალიანსი” – 1,68%, “ქართული ოცნება” -48, 4%, ” ლელო” -2,9%.
