ზუგდიდში ეზოების კეთილმოწყობის სამუშაოები მიმდინარეობს. ზუგდიდის მუნიციპალიტეტის მერიის ცნობით, სამუშაოების მიმდინარეობას თამარ მეფის ქუჩაზე ზუგდიდის მუნიციპალიტეტის მერის პირველი მოადგილე გიგა ფარულავა გაეცნო.
მათივე ინფორმაციით, პროექტი სამოქალაქო ბიუჯეტის ფარგლებში ხორციელდება. სამოქალაქო ბიუჯეტის ფარგლებში საბავშო და სპორტული მოედნები, სკვერები მოეწყობა.
„სამოქალაქო ბიუჯეტი მუნიციპალიტეტში პირველად 2019 წელს დაინერგა. პროექტის ბიუჯეტი 1 000 000 ლარით განისაზღვრა. პროექტის ფარგლებში შემოვიდა 39 საპროექტო წინადადება, აქედან მიმდინარე წელს 25-მდე პროექტი განხორციელდება“, – აღნიშნულია ზუგდიდის მუნიციპალიტეტის მერიის მიერ გავრცელებულ ინფორმაციაში.
