ახალციხის ტბაზე ადმინისტრაციული შენობა შენდება

ააიპ „ახალციხის ტბაზე“ ადმინისტრაციისთვის შენობას ტენდერში გამარჯვებული შპს „მშენებელი–2004“ აშენებს. ახალციხის მერიის მიერ 22 ივნისს გამოცხადებული ტენდერის ერთადერთი მონაწილე მხოლოდ ეს კომპანია იყო. 75 ათას ლარად გამოცხადებული ტენდერი, მან 74 999 ლარით მოიგო.„ამ დროისთვის სარდაფის კედლების აშენება თითქმის დასრულებული გვაქვს, ახლა ბეტონი უნდა დავასხათ“, – ამბობენ მუშები.

მშენებელი კომპანიის დირექტორის ამირან ბალახაშვილის თქმით, სარდაფთან ერთად ტბაზე ნავების მისადგომსაც აკეთებენ: „სადაც ნავებს დააყენებენ, იქვე სარდაფში იქნება ოთახი ინვეტარის შესანახად. ზემოდან კი ოთხ ოთახს მოვაწყობთ. აქედან ორი დიდი და ორი შედარებით პატარა იქნება“.

ახალაშენებული შენობით ტბის ადმინისტრაციის რვა თანამშრომელი ისარგებლებს. მათ შორის ოთხი მარეგულირებელი, დარაჯი, ელქტრიკოსი, ბუღალტერი და უფროსია.

ააიპ ‘ახალციხის ტბა’ 2015 წლის გაზაფხულზე შეიქმნა. რატომ დადგა დღის წესრიგში ტბაზე ადმინისტრაციის შენობის აშენების საკითხი და რა სამომავლო გეგმები აქვს ახალციხის მერიას ტბასთან დაკავშირებით, ამ საკითხებზე „სამხრეთის კარიბჭეს“ ახალციხის მერმა ვლადიმერ ზედგინიძემ ინფორმაციის გამოთხოვა წერილობით სთხოვა.

სახელშეკრულებო პირობების მიხედვით ტბაზე სამშენებლო სამუშაოები 27 სექტემბერს უნდა დასრულდეს. შესრუელბული სამუშაოს გარანტიის ვადა ხუთი წელია.

წყარო: სამხრეთის კარიბჭე