23 დეკემბერს ახალციხეში კონცერტი გაიმართება. 16 მეტრიანი ნაძვის ხე ქალაქის ცენტრალურ პარკში საზეიმოდ აინთება. ამის შესახებ სამხრეთის კარიბჭე წერს.
ღონისძიება თეატრის მიმდებარედ 17:00 საათზე დაიწყება და საღამოს 20:00 საათამდე გაგრძელდება.
იხილეთ ღონისძიების პროგრამა:
17:00 – 18:30 – „ორი ჯუჯა“ – ვახტანგ ტატიშვილი და ნუგზარ კვაშალი მეგობრებთან ერთად (ზურაბ კობეშავიძე, მაკა ქაჯაია, ჯამბაზი ვოვა);
18:30 – 18:45 ნაძვის ხის ანთების საზეიმო ცერემონია, ანსამბლი „მესხეთი“, ფოიერვერკი;
18:45 – 20:00 კონცერტი: ნინო გველესიანი, Dudey, მარიამ ნანობაშვილი;
ღონისძიებას გაახალისებენ ზღაპრის გმირების კოსტიუმებში გამოწყობილი მსახიობები.
