სოფო კილაძე მარნეულის მერზე: კანონის წინაშე ყველა თანასწორია

1062

წინა სტატია

“ადამიანის ღირსების შელახვის ყველა გამოვლინებას, კანონშესაბამისად საკადრისი პასუხი უნდა გაეცეს” – ამის შესახებ ადამიანის უფლებათა დაცვის კომიტეტის თავმჯდომარემ სოფო კილაძემ განაცხადა. ინფორმაციას აიპრესი ავრცელებს.

სოფო კილაძე მარნეულის მერის თემურ აბაზოვის დაკავებას გამოეხმაურა. მისი განცხადებით, “ქართული ოცნების” ხელისუფლების პირობებში ადამიანებს პარტიული კუთვნილებით არ არჩევენ.

“დარწმუნებული ვარ, რომ შესაბამისი სტრუქტურები ყველა შესაბამისს ღონისძიებას გაატარებენ, რათა მსგავსს საკითხებზე ადეკვატური და შესაბამისი რეაგირება მოხდეს. კანონის წინაშე ყველა თანასწორია, მიშვნელოვანია, რომ კანონი ყველას თანაბრად შეეხოს, მერი იქნება, თუ ნებისმიერი სხვა პირი”- განაცხადა კილაძემ.

შეგახსენებთ, რომ გუშინ, სტუდია “მორნიტორმა” გავრცელა სიუჟეტი, სადაც საუბარია იმაზე, რომ მოქალაქე, რომელმაც პარლამენტთან აქციაზე ბიძინა ივანიშვილს და მარნეულის მერს აგინა, ძალადობის მსხვერპლი გახდა.

გავრცელდა ვიდეოები, სადაც ეს მოქალაქე ბოდიშს იხდის და სახეზე სავარაუდოდ შარდს ისვამს. გავრცელებულ ინფორმაციით, ეს მარნეულის მერის დავალებით მოხდა.

მარნეულის მერი პროკურატურამ დღეს დააკავა.