ხვალ გარდაბნის მუნიციპალიტეტის სოფელ ყარაჯალაში დემოკრატიულად არჩეული პირველი მუსლიმი ქალის, ფარი-ხანუმ სოფიევას მემორიალი გაიხსნება.
ცოტა ხნის წინ ფარი-ხანუმის საოცარი ისტორიის შესახებ სტატია droa.ge-მ გამოაქვეყნა. 34 წლის ფარი-ხანუმ სოფიევა პირველი მუსლიმი ქალი იყო, რომელმაც 1918 წელს ადგილობრივი თვითმმართველობის არჩევნებში მონაწილეობა მიიღო და გაიმარჯვა. ის არჩევნებში დამოუკიდებელ კანდიდატად მონაწილეობდა ყარაიაზის ოლქიდან და თბილისის სამაზრო ერობის მეხუთე ხმოსანი გახდა.
![](https://droa.ge/wp-content/uploads/2018/05/გაზეთი-1.jpg)
მემორიალის გახსნის ინიციატორი შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატია. მემორიალს ხვალ მინისტრი ქეთევან ციხელაშვილი, ფარი-ხანუმ სოფიევას შთამომავლები, ქვემო ქართლის გუბერნატორი, გარდაბნის მერი და საკრებულოს თავმჯდომარე გახსნიან.