ფრაქცია „ნაციონალური მოძრაობის” წევრი ანა წითლიძე დეპუტატის მანდატს ტოვებს. აღნიშნულის შესახებ ინფორმაცია წითლიძემ „ფეისბუქ“ გვერდზე გამოაქვეყნა.
მისი განმარტებით, პარლამენტში ჯდომის აზრს ვერ ხედავს და დეპუტატის მანდატის გარეშეც შეუძლია ბრძოლის გაგრძელება.
,,მე არ ვიცი ვინ რა გადაწყვეტილებას მიიღებს. არ მქონია კომუნიკაცია პარტიასთან, მოგეხსენებათ ზუგდიდში ვარ. მაგრამ მესამე პრეზიდენტის მოწოდების შემდეგ როდესაც პრეზიდენტი ციხეშია, შიმშილობს და არჩევნები წაგვართვეს, პარლამენტში ჯდომის აზრს მე ვერ ვხედავ და მანდატის გარეშეც შემიძლია ბრძოლა, არც მქონია ისე ვიბრძოდი. „ქართული ოცნება“ უნდა დარჩეს საკუთარ თავთან მარტო. დანარჩენზე ვისაუბრებ აქციებზე“, – აცხადებს ანა წითლიძე.
დღეს მანდატების დატოვების შესახებ ინფორმაცია გაავრცელეს ზურაბ ჯაფარიძე და ნონა მამულაშვილმაც. ასევე, მანდატის დატოვების შესახებ საჯარო განცხადება გუშინ „ლელოს“ ლიდერმა მამუკა ხაზარაძემაც გააკეთა.
