ტურისტულ სეზონზე განმუხურის სანაპირო დანაგვიანებულია. ინფორმაციას ლაივპრესი ავრცელებს.
ფოტოებზე, რომელიც “ლაივპრესს” მოქალაქე ჟურნალისტმა მიაწოდა, ჩანს რომ სანაპირო ნაგვითაა სავსე. მერიაში კი აცხადებენ, რომ სანაპიროს დასუფთავება “24 საათიან რეჟიმში” ხდება.
“ანაკლია-განმუხურის სანაპირო ზოლის დასუფთავება ყოველდღიურ რეჟიმში მიმდინარეობს( თითქმის 24 საათიანი) , თუმცა მსგავსი ფაქტი თუ დაფიქსირდა, აუცილებლად მიიღებენ ზომებს”, – გვითხრეს მერიაში.
ზუგდიდის მერიის ა(ა)იპ “ზუგდიდდასუფთავება” ბიუჯეტიდან 4 მილიონ 500 ათასი ლარი აქვს, თუმცა, თანხის დიდი ნაწილი თანამშრომლების ხელფასებს ხმარდება.
ზუგდიდის საკრებულომ რამდენჯერმე დააყენა “ზუგდიდდასუფთავების ცენტრის” საქმიანობის შესწავლის საკითხი, მაგრამ გასულ წლებთან შედარებით, ცენტრის დაფინანსება გაიზარდა.
