“ოცნების” მერობის კანდიდატის პრეზენტაცია პოლიციის მობილიზების და მედიის პროტესტის ფონზე იწყება

752
მთაწმინდის პარკში, სადაც “ქართულმა ოცნებამ” 20:00 საათზე კახა კალაძე თბილისის მერობის კანდიდატად უნდა დაასახელოს, მედიის წარმომადგენლები აქციას მართავენ.

ჟურნალისტებს თან აქვთ გარადაცვლილი ოპერატორის, ლექსო ლაშქარავას ფოტოები და პლაკატები წარწერებით: “აიღეთ პოლიტიკური პასუხისმგებლობა” ; “როდის გადადგებით ბატონო ირაკლი”; “დაისაჯონ დამნაშავეები”.

მედიის წარმომადგენლები 5 ივლისს თბილისში განვითარებულ მოვლენებთან დაკავშირებით დამნაშავეების დასჯას ითხოვენ.

ადგილზე მობილიზებული არიან სამართალდამცველები.

მთაწმინდის პარკში “ქართული ოცნება” დედაქალაქის მერობის კანდიდატს 20:00 საათზე წარადგენს. ადგილზე უკვე შეიკრიბნენ პოლიტიკოსები, მსახიხობები, მომღერლები და სხვადასხვა სფეროს წარმომადგენლები.

კალაძის წარდგენაზე, მხოლოდ 1 ჯგუფს უშვებენ, ისიც სპეციალურ მედიაზონაში, რომელიც ღონისძიების ადგილიდან სპეციალური ჯებირებითაა გამოყოფილი.

მედიის წარმომადგენლებს ჯებირებს იქით გადასვლის უფლება არ მიეცათ, ხოლო მთაწმინდის პარკის მიმდებარე ტერიტორია გადაკეტილი იყო.

საქართველოში თვითმმართველობის არჩევნები 2 ოქტომბერს გაიმართება.