მარნეულის ცენტრალური პარკი და განახლებული მონუმენტური ძეგლი „კიდევაც დაიზრდებიან“ გაიხსნა

119

დღეს, 28 თებერვალს, მარნეულის ცენტრალური პარკი და განახლებული მონუმენტური ძეგლი „კიდევაც დაიზრდებიან“ ოფიციალურად გაიხსნა. ამის შესახებ ინფორმაციას რადიო მარნეული ავრცელებს.

„კიდევაც დაიზრდებიან“-ის ოფიციალურ გახსნაზე მარნეულის მერმა ზაურ დარგალმა განაცხადა, რომ მუნიციპალიტეტისთვის რეკრეაციული ზონების მოწყობა პრიორიტეტულია და მერია ქალაქში არსებული სხვა პარკებისა და სკვერების განახლებასაც აპირებს.

„კიდევაც დაიზრდებიან“-ის ტერიტორია ფუნქციურად რამდენიმე ზონადაა დაყოფილი. მოეწყო საბავშვო ზონა, შესაბამისი სათამაშო ბაქნებით, გასართობი სათამაშო ატრაქციონებით და ღია სპორტული ტრენაჟორებით. ძეგლის უკანა მხარეს მოეწყო დასასვენებელ-სარეკრეაციო ზონა, ღია ამფითეატრი, საფეხმავლო და ველო ბილიკები.

მარნეულში მონუმენტური ძეგლის „კიდევაც დაიზრდებიან“-ის რეაბილიტაციისა და მიმდებარე ტერიტორიის კეთილმოწყობის სამუშაოები შპს „ინტერტექნოლოგმა“ ორ ეტაპად, 1 092 328 ლარად შეასრულა.