სპორტდარბაზის სარეაბილიტაციო სამუშაოებს მუნიციპალიტეტის მერი ზურაბ სეხნიაშვილი მოადგილესთან ბესიკ ბიჩნიგაურთან ერთად გაეცნო.
ძიუდოს დარბაზს სრული რეაბილიტაცია უტარდება. პროექტის ფარგლებში მოეწყობა ინტერიერი, ფოიე, საერთო ოთახი, საჭიდაო დარბაზი, სავარჯიშო ოთახი, დამხმარე სათავსო, 2 აივანი, სამზარეულო, 5 საძინებელი და ვერანდა. ასევე, დამონტაჟდა ცენტრალური გათბობისა და წყალგაყვანილობის სისტემა, შეიცვალა კარ-ფანჯარა, შეკეთდა სახურავი და ფასადი.
„ფასანაურის ძიუდოს დარბაზში ამ ეტაპზე 35 მოსწავლე ვარჯიშობს. სპორტული დარბაზის კეთილმოწყობა ხელს შეუწყობს სპორტის განვითარებას, ჯანსაღი და სპორტული ცხოვრების წესის დამკვიდრებას“ – აღნიშნა დუშეთის მუნიციპალიტეტის მერმა ზურაბ სეხნიაშვილმა.
სამუშაოებს შპს „ნიკონი“ ასრულებს, რომლის ღირებულებაც 259 466 ლარია. პროექტი მიმდინარე წელს დასრულდება.
