თელას სარწყავი სისტემის რეაბილიტაცია მიმდინარეობს

314

შპს „საქართველოს მელიორაცია“ სამელიორაციო ინფრასტრუქტურის მოწყობით და სარეაბილიტაციო სამუშაოებს უწყვეტ რეჟიმში ახორციელებს, კახეთში, ლაგოდეხის მუნიციპალიტეტში, თელას სარწყავი სისტემის რეაბილიტაცია მიმდინარეობს.

გარემოს დაცვისა და სოფლის მეურნეობის სამინისტროს ინფორმაციით, პროექტის ფარგლებში მოეწყობა სათავე ნაგებობა, დამცლელი კვანძი, ჭა ჰიდრანტით, გამშვები ნაგებობა შემტბორავით, დიუკერი, ფოლადის მილსადენი სიგრძით 2,1 კმ. გაიწმინდება მიწის არხის 3,2 კილომეტრიანი მონაკვეთი.

“ჩატარებული სამუშაოების შედეგად რეგულარულად მოირწყვება 195 ჰექტარზე მეტი სასოფლო-სამეუნეო მიწის ფართობი. აღდგენილი საირიგაციო სისტემით სოფელ თელას მოსახლეობა ისარგებლებს. პროექტის ღირებულება შეადგენს 852 000 ლარს”, – ნათქვამია ინფორმაციაში.

მათივე ცნობით, დღეისათვის კახეთში სამელიორაციო ინფრასტრუქტურის 17 სარეაბილიტაციო პროექტი მიმდინარეობს, რომელთა დასრულების შემდეგ დამატებით 3 200 ჰექტარი სავარგული მოირწყვება, ხოლო წყლის მიწოდების რეჟიმი 9 300 ჰექტარზე გაუმჯობესდება.