ბათუმში, თამარის დასახლებაში სარკინიგზო გადასასვლელზე სარეაბილიტაციო სამუშაოები განხორციელდა.
მერიის ინფორმაციით, ლიანდაგის ფენილი თანამედროვე სტანდარტის ახალი რეზინოკორდული ფენილით შეიცვლა.
“თანამედროვე სარკინიგზო გადასასვლელი ბათუმის მერიისა და საქართველოს რკინიგზის შესაბამისი სამსახურების ერთობლივი ძალისხმევით მოეწყო.
თავისუფლად და უსაფრთხოდ გადაადგილების მიზნით, მსგავსი სამუშაოები ბათუმის მუნიციპალიტეტის ტერიტორიაზე არსებულ სხვა სარკინიგზო გადასასვლელებზეც განხორციელდება”, – განმარტავენ მერიაში.
