„ქართული ოცნების“ მაჟორიტარი დეპუტატი, ენზელ მკოიანი, რომლის სახლთანაც ცეცხლსასროლი იარაღიდან გაისროლეს, ახალციხეში დაკითხვაზე იმყოფება. ინფორმაციას სამხრეთის კარიბჭე ავრცელებს.
სამცხე-ჯავახეთის პოლიციის დეპარტამენტში, დეპუტატი დღეს, 26 მარტს დაიბარეს. ენზელ მკოიანს სამმართველოს შენობაში ორ საათზე მეტია რაც კითხავენ.
26 მარტს, 15:30 საათზე ახალქალაქში, ენზელ მკოიანის სახლის წინ, ცეცხლსასროლი იარაღიდან გაისროლეს.
შსს-მ საქმეზე ძიება ჯგუფურად ჩადენილი დანაშაულისა და იარაღის მართლსაწინააღმდეგო შეძენა-შენახვა-ტარების მუხლებით დაიწყო. რაც სისხლის სამართლის კოდექსში შეესაბამება 126-ე მუხლის პირველი პრიმა ნაწილის (ბ) ქვეპუნქტსა და 236-ე მუხლის მე-3 და მე-4 ნაწილებს.
გასროლის მიზეზი ამ ეტაპზე უცნობია. ადგილობრივების ვარაუდით, შესაძლოა, სროლა დეპუტატ ენზელ მკოიანსა და ყოფილ დეპუტატ, სამველ პეტროსიანს შორის არსებულ დაპირისპირებას უკავშირდება.
