ბორჯომის მუნიციპალიტეტის ინფორმაციით, მესხეთის ქუჩაზე აქტიურად მიმდინარეობს ფეხით სავალი ნაწილის რეაბილიტაცია.
გამგებლის დიმიტრი ყიფიანის თქმით, სამუშაოები ლიკანის დასახლებაში სასტუმრო ”რიქსოსიდან” დაიწყო და ე.წ. დიდ ხიდამდე 1-კილომეტრიან მონაკვეთს მოიცავს.
„მესხეთის ქუჩა ცენტრალურ მაგისტრალს წარმოადგენს, სადაც საფეხმავლო ბილიკი წლების განმავლობაში დაზიანებული იყო და მოსახლეობის გადაადგილებისათვის პრობლემას წარმოადგენდა. ადგილობრივი მუნიციპალიტეტის დაფინანსებით, სამუშაოები ობიექტზე 1 კვირის წინ დაიწყო. პროექტის ფარგლებში, მოეწყობა ასფალტობეტონის ტროტუარები, ბორდიურები, შეკეთდება ქუჩაზე არსებული მოსაცდელი, დაგეგმილია ორცხაურიანი კომბინირებული სანიაღვრე ჭის მოწყობაც, რის შემდეგ მოსახლეობა მოწესრიგებული საფეხმავლო ბილიკით ისარგებლებს.
აღსანიშნავია, რომ ტროტუარი ადაპტირებული იქნება შეზღუდული შესაძლებლობის მქონე ადამიანებისათვის.
სამუშაოებისათვის ადგილობრივი ბიუჯეტიდან 104 940 ლარი გაიხარჯება“, – აცხდებენ ბორჯომის გამგეობაში.
წყარო: ინტერპრესნიუსი
