ახმეტის მუნიციპალიტეტის მერიის ჯანდაცვისა და სოციალურ საკითხთა სამსახურის პროგრამის ფარგლებში 2019 წლის ოქტომბრის თვეში 23 862 ლარი დახარჯა. ახმეტის მერიის ცნობით, მათ მიერ გაცემული დახმარების ჩამონათვალი ასეთია:
დიალიზის სახელმწიფო პროგრამით მოსარგებლე, ონკოლოგიური და ფსიქიკური პრობლემის მქონე 6 ბენეფიციარისათვის დაფინანსდა 1 140 ლარის ღირებულების მედიკამენტები;
მარტოხელა მშობლის სტატუსის მქონე პირებს, სოციალურად დაუცველი და მრავალშვილიანი ოჯახებს (1 ბენეფიციარი)- დაუფინანსდა ელექტროენერგიის გადასახადი – 100 ლარი;
პირველი და მეორე ბავშვის შეძენის შემთხვევაში (4ოჯახი) 700 ლარი;
ეკონომიკურად გაჭირვებულ და სოციალურად დაუცველ მოქალაქეთა სტაციონარული მკურნალობის, ოპერაციისა და ლაბორატორიული გამოკვლევების დაფინანსება, აგრეთვე, ცერებრალური დამბლით დაავადებულ და სხვა ფსიქომოტორული პათოლოგიის მქონე ბავშვთა რეაბილიტაციისათვის საჭირო პროცედურები დაუფინანსდა 55 ბენეფიციარს – 20 972 ლარით;
,,განსაკუთრებულ შემთხვევებში სოციალური პაკეტით განსაზღვრული დახმარების მსურველ პირთა განცხადებების განმხილველი კომისიის „ დასკვნის საფუძველზე დაფინანსდა 1 ბენეფიციარი – 800 ლარით;
პირველი ჯგუფის უსინათლოთათვის განკუთვნილი ერთჯერადი დახმარება – 1 ბენეფიციარი – 150 ლარით.
