ბორჯომის სოფლებში ოთხი ამბულატორია და ერთი სასწრაფო დახმარების ცენტრი შენდება

796

ბორჯომის მუნიციპალიტეტში 6 სამედიცინო დაწესებულების მშენებლობა-რეაბილიტაცია აქტიურად მიმდინარეობს.

როგორც ბორჯომის მერიაში აცხადებენ, მუნიციპალიტეტის დაფინანსებით, ახალი ამბულატორიები შენდება სოფელ ყვიბისში, სოფელ ტბაზე, სოფელ ციხისჯვარში და სოფელ ბალანთაში.

პარალელურად, რეაბილიტაცია უტარდება ამბულატორიის არსებულ შენობას სოფელ ქვაბისხევში.

„წლის ბოლომდე ახალი სასწრაფო დახმარების ცენტრი ექნება დაბა ბაკურიანს. აქაც სამუშაოები აქტიურ ფაზაშია. პროექტები ბორჯომის მუნიციპალიტეტის დაფინანსებით ხორციელდება,“ – ნათქვამია ინფორმაციაში.