ბორჯომის მუნიციპალიტეტის მერიამ საახალწლოდ ქუჩების მოსართავად, გასანათებელი მოწყობილობების შესაძენისთვის ტენდერი 127 650 ლარზე გამოაცხადა.
როგორც სახელმწიფო შესყიდვების ვებ-გვერდზე გამოქვეყნებულ დოკუმენტებში ვკითხულობთ, მიმწოდებელი ვალდებულია, საქონლის მიწოდება განახორციელოს ხელშეკრულების გაფორმებიდან 10 (ათი)დღის ვადაში. ჯამური რაოდენობა 3 000 ცალ გასანათებელ მოწყობილობას გულისხმობს.
პროექტის ტენდერზე წინადადებების მიღება 26 ნოემბერს დაიწყება და 28 ნოემბერს დასრულდება.
