გლდანის რაიონის ფიტნეს ზონა კიდევ ხუთ მისამართზე მოეწყო.
როგორც გამგეობაში აცხადებენ, სხვადასხვა დატვირთვის ტრენაჟორი გლდანის მესამე მიკრორაიონი N12, ლიბანის ქუჩა კორპუსი N6 და N119 საჯარო სკოლას შორის, მუხიანის მეოთხე ბ მიკრორაიონის კორპუსი N38-39, გლდანის მეშვიდე მიკრორაიონის N20-23 კორპუსებთან, ასევე, კაჭარავას ქუჩა N77 სპორტულ მოედანთან განთავსდა.
სამუშაოებისთვის, რომელიც ტენდერში გამარჯვებულმა კომპანია “ჯეო პარკმა“ განახორციელა, გამგეობის ბიუჯეტიდან 76 570 ლარი დაიხარჯა.
გამგეობის ინფორმაციით, მიმდინარე წელს ტრენაჟორები, ჯამში, ოც მისამართზე დამონტაჟდა.
