ბორჯომის მუნიციპალიტეტის ცნობით, ბორჯომის ცენტრალურ (ისტორიული) პარკში გამწვანების სამუშაოები აქტიურად მიმდინარეობს.
ბორჯომის ცენტრალური პარკი ტურისტული სეზონისათვის ემზადება.
გამგებლის დიმიტრი ყიფიანის განცხადებით, პარკს 13 სახეობის 170 ძირი ხე-მცენარე გადაეცა.
“ნარგავები პარკის მთელ ტერიტორიაზე გადანაწილდება. ხე-მცენარეების უმეტესობა ეგზოტიკური სახეობებს განეკუთვნება და უნიკალური ლანდშაფტის მქონე პარკს კიდევ უფრო დაამშვენებს”, – აღნიშნა გამგებელმა.
ბორჯომის მუნიციპალიტეტის ინფორმაციით, პარკის ტერიტორიაზე პარალელურად ყვავილების დარგვაც მიმდინარეობს. გამწვანების სამუშაოების ფარგლებში, ბორჯომის პარკებსა და სკვერებში გასული ერთი თვის განმავლობაში 759 ერთეული ხე-მცენარე დაირგო.
