მარტვილის ნაძვის ხის ანთებისას მერად ენმ-ის მერობის კანდიდატი, თემურ ჯანაშია გამოაცხადეს

340

კურიოზი მოხდა მარტვილში, ცენტრალურ მოედანზე, სადაც ცენტრალური ნაძვის ხე საზეიმოდ აანთეს. ინფორმაციას ოდიშინიუსი ავრცელებს.

საღამოს წამყვანმა ნაძვის ხის ასანთებად სცენაზე მარტვილის მერი მოიწვია, ოღონდ სახელები აერია:

“მინდა სცენაზე მოვბიწვიო მარტვილის ახლადარჩეული მერი ბატონი თემურ ჯანაშია, უკაცრავად, ბატონი თორნიკე ჯანაშია”, – განაცხადა წამყვანმა.

შეგახსენებთ, მარტვილის მერობის კანდიდატი ენმ-დან გენერალი თემურ ჯანაშია იყო, ხოლო “ქართული ოცნებიდან” – თორნიკე ჯანაშია. გამარჯვებულის გამოსავლენად მეორე ტური გახდა საჭირო, სადაც ხმები ასე გადანაწილდა:

თორნიკე ჯანაშია (ქართული ოცნება – N41) – 51.845%
თეიმურაზ ჯანაშია (ნაციონალური მოძრაობა – N5) – 48.115%.