“ნაციონალურმა მოძრაობამ” ზუგდიდის საკრებულოში ფრაქცია შექმნა

384

ზუგდიდის მუნიციპალიტეტის საკრებულოში “ერთიანმა ნაციონალურმა მოძრაობამ” ფრაქცია შექმნა. ფრაქციის თავმჯდომარე თეიმურაზ ბასილაიაა. მას ერთი მოადგილე, კახაბერ ჩანგელია ეყოლება. ამის შესახებ ლაივპრესი წერს.

საკრებულოში ენმ-ის გარდა, ფრაქცია მმართველმა პარტიამაც შექმნა პირველ სხდომაზე. მისი თავმჯდომარე ირაკლი გოგოხიაა, რომელსაც 6 მოადგილე ჰყავს.

ფრაქცია აქვთ პარტია “საქართველოსთვის” წევრებსაც. ფრაქციის თავმჯდომარე გიგა ფარულავაა, მოადგილე კი მალხაზ თორია.