“ოცნება”: ენმ-ის ზონდერ ჯგუფები გეგმავენ უბნების დარბევას იქ, სადაც წინასწარ იციან, რომ აგებენ 

“ქართული ოცნების” წარმომადგენელ ირაკლი ლაგვილავას განცხადებით, ენმ-ის ყველა, ოფიციალურ თუ არაოფიციალურ შტაბში მიმდინარეობს მათი “ზონდერჯგუფების” მობილიზება, რომ ის უბნები დაარბიონ, სადაც აქვთ წინასწარი ინფორმაცია, რომ აგებენ. ინფორმაციას “ლაივპრესი” ავრცელებს.

ირაკლი ლაგვილავა ამბობს, რომ განსაკუთრრბული სწორება აქვთ სოფელ კახათზე.

“მინდა მივმართო მათ, კანონი იქნება მკაცრი ყველას მიმართ, ვინც გაბედავს და წავა ქვეყნის სტაბილურობის, სიმშვიდის და კეთილდღეობის წინააღმდეგ”, – აღნიშნა მან.

“ოცნების” წარმომადგენლის ინფორმაციით, “ნაციონალური მოძრაობის” წარმომადგენლებმა ერთ-ერთ დამკვირვებელს მოპარეს ჩანთა, რომელშიც იყო სხვადასხვა პირადი ნივთი, მათ შორის ბლოკნოტი და 25 ლარი. მან მედიას უჩვენა, თუ რა ეწერა ამ ბლოკნოტში. განმარტავს, რომ ესაა მისი პირადი ჩანაწერები – ტელეფონის ნომრები და კომუნალური გადასახადების დავალიანებები.

“ჩვენ ვიცით ყველა ავტოსატრანსპორტო საშუალება, რომლის საშუალებითაც ცდილობთ უკანონობის ჩადენას და მოვუწოდო მათ – გეყოფათ, რადგან თქვენ დღეს მიაყენეთ უდიდესი შეურაცხყოფა ზუგდიდს და სამეგრელოს, მაშინ როცა ჩამოყვანილმა ზონდერებმა პირდაპირ თქვეს, რომ მეგრელები არიან სეპარატისტები”, – განმარტა მან.

ირაკლი ლაგვილავას თქმით, უბნების დახურვის შემდეგ, მმართველი პარტია ლეგიტიმურად იზეიმებს გამარჯვებას, და ეს არ იქნება ერთი პარტიის გამარჯვება ეს იქნება ამ რეგიონის, კუთხის და ქვეყნის ზეიმი.

მანამდე ენმ-ის წარმომადგენელმა ანა წითლიძემ დაადანაშაულა “ქართული ოცნება”, რომ თითქოს მათი დავალებით კახათის უბნების დარბევისთვის ემზადებიან, სადაც “ნაციონალური მოძრაობა” ყოველთვის იმარჯვებს. ამასთან, აღნიშნა, რომ იგეგმებოდა ენმ-ის წარმომადგენელთა კიდევ გამოძევება უბნებიდან.