1 სექტემბერს მორიგი საპროტესტო აქცია გამართეს საოჯახო სასტუმროების მფლობელებმა ქობულეთის მერიასთან. მოსახლეობა სამართლებრივი დავის დაწყებას გეგმავს და რამდენიმე დღეში მერიასთან კარვების გაშლას აპირებს. მოთხოვნები უცვლელია. ინფორმაციას აჭარის მაუწყებელი ავრცელებს.
ადგილობრივების განცხადებით, ტურისტული სეზონი ჩავარდა, რის გამოც დაზარალდნენ, ამიტომ ხელისუფლებას ბანკებთან შუამდგომლობას სთხოვენ, რომ გაიყინოს დარიცხული პროცენტი.
აქციის მონაწილეებს ქობულეთის მერი გამოეხმაურა. მირიან ქათამაძე აცხადებს, რომ საკითხზე მუშაობა მიმდინარეობს.
