დიდუბის რაიონის გამგეობა საერთო სარგებლობის ინფრასტრუქტურის მოწესრიგებას განაგრძობს. სხვადასხვა სამუშაოსთან ერთად კი, საცხოვრებელი შენობის დაზიანებული სახურავების რეაბილიტაცია მიმდინარეობს.
“თევდორე მღვდლის ქუჩის N14-ში, მირცხულავას ქუჩის N12-ში, წერეთლის გამზირის N99-ში, ასევე, ევდოშვილის ქუჩის N2/10-სა და დიღმის მასივის მეორე კვარტლის მე-15 კორპუსებში დაზიანებული ბრტყელი სახურავების რეაბილიტაცია ჩატარდა.
ასევე, სამუშაოების ფარგლებში, წყალსაწრეტი მილები შეიცვალა. სამუშაოები, ჯამში, 3 400 კვ.მ ფართობზე განხორციელდა”, – განმარტავენ რაიონის გამგეობაში.
აღნიშნული პროექტებისთვის ადგილობრივი ბიუჯეტიდან 82 985 ლარი გამოიყო.
