თბილისის საკრებულოს ისნის რაიონის მაჟორიტარი დეპუტატი ლევან დავითაშვილი, ამავე რაიონის გამგებელ კახა ლაბუჩიძესთან ერთად, ახალი სკვერის გახსნას დაესწრო.
როგორც ლევან დავითაშვილმა განაცხადა, ქალაქის უბნების გამწვანება ერთ – ერთი პრიორიტეტია.
“მეტი მწვანე სივრცე და რეკრეაციული ზონების არსებობა სასიცოცხლოდ მნიშვნელოვანია მოსახლეობისთვის და განსაკუთრებით მომავალი თაობის ჯანმრთელობისთვის. დღესვე შევხვდით მოსახლეობას და სამომავლო გეგმები დავსახეთ“, – განაცხადა ლევან დავითაშვილმა.
თბილისის საკრებულოს ინფორმაციით, პროექტის ფარგლებში, სკვერში დამონტაჟდა ლედ განათების სისტემა, დასასვენებელი სკამები და მოეწყო ბავშვთა გასართობი სივრცე.
