შსს: აქციაზე დაკავებულია არა 3, არამედ 4 აქტივისტი

404

წინა სტატია

აქციაზე, რომელიც ამ წუთებში პარლამენტის წინ მიმდინარეობს დაკავებულია 4 ადამიანი.

ამ ინფორმაციას მთავარ არხს შინაგან საქმეთა სამინისტრო უდასტურებს. ამ დრომდე გავრცელებული ინფორმაციით დაკავებულებს შორის იყვნენ ახალაგაზრდული მოძრაობა “სირცხვილიას” წევრი გიორგი მჟავანაძე და ნოდო რუხაძე, ასევე ლექსო მაჭავარიანი.

ჩვენი ინფორმაციით მეოთხე დაკავებული ჩიტაძის ქუჩაზე დააკევს, რატომ – მიზეზი უცნობია.

შსს ამბობს, რომ დაკავეულებს ადმინისტრაციული წესით 161 და 173-ე მუხლებით ედავებიან, რაც ხულიგნობასა და პოლიციისადმი დაუმორჩილებლობას გულისხმობს.

შეგახსენებთ, აქტივისტები, რომლებიც რამდენიმე ნაჭერი შეშის მიტანას ცდილობდნენ თბილისის პარლამენტის შენობამდე, თავისუფლების მოედნის ტერიტრიაზე დააკავეს და ეს იქამდე ვიდრე გადაადგილების შეზღუდვა ამოქმედდებოდა.

შეშის გამო დაკავებულ ახალგაზრდებს, პოლიციის უფროსმა ვაჟა სირაძემ – ელექტროგამათბობლების მიტანა ურჩია რუსთაველის გამზირზე.