ოპოზიციური პოლიტიკური პარტიები “ლეიბორისტული პარტიის” ცენტრალურ ოფისში იკრიბებიან.
დღევანდელი შეხვედრის მთავარი თემა საპარლამენტო არჩევნების შედეგების განხილვა და ოპოზიციის სამოქმედო გეგმაა. სავარაუდოდ, დღევანდელ შეხვედრაზე გადაწყდება, დაიწყებს თუ არა ოპოზიცია საპროტესტო აქციებს.
როგორც ოპოზიციური პარტიების წარმომადგენლები აღნიშნავენ, 2020 წლის არჩევნები არ იყო სამართლიანი, ამიტომ ისინი მის შედეგებს უნდობლობას უცხადებენ. ისინი ხაზგასმით აღნიშნავენ, რომ ხელისუფლებამ არჩევნები გააყალბა და ისინი არჩევნების შედეგების ლეგიტიმურობის საკითხს ეჭვქვეშ აყენებენ.
