ქუთაისში, დროშა რომელიც, 1 ოქტომბერს ქარმა დააზიანა, მერიამ დღეს მეორედ დაკიდა. ამის შესახებ ქუთაისი პოსტი წერს.
ადგილობრივი თვითმმართველობა ნიკეაზე ქუჩაზე დროშის აღმართვას 2 წელზე მეტ ხანს ცდილობდა.
მერიის მიერ მეექვსე მცდელობაზე გამოცხადებულ ტენდერში (NAთ190025060) შპს “ნიუ იბერიამ” გაიმარჯვა. ხელშეკრულების მიხედვით, კომპანიას დროშის დგარი მიმდინარე წლის 9 მარტამდე უნდა დაემონტაჟებინა, თუმცა, პროცესი ჯერ მერიის დაკვეთით მომზადებულ პროექტში არსებული ხარვეზების მიზეზით შეჩერდა, შემდეგ კი დროშის აღმართვის სამუშაოები კორონავირუსის გავრცელების გამო შეფერხდა.
დროშის აღმართვა ბიუჯეტს 49 959 ლარი დაუჯდა.
