კასპის მუნიციპალიტეტის სოფელ გამდლისწყაროში მოსახლეობა წყლის გაუმჯობესებას ელის. მერიის ბიუჯეტის დაფინანსებით, 15-ტონიანი რეზერვუარი კეთდება.
სოფელში 50-მდე კომლი ცხოვრობს. მოსახლეობა ერთი საუბნო წყაროში სარგებლობს, ხოლო ჭა მხოლოდ ორ ოჯახს აქვს.
მერიის პრეს-სამსახურში აცხადებენ, რომ პროექტის დასრულების შემდეგ ყველა ოჯახი სასმელი წყლით უზრუნველყოფილი იქნება. სამუშაოების ღირებულება 308 175 ლარს შეადგენს.
ჭაბურღილის მშენებლობა კომპანია სს “სპეცჰიდრომშენმა” უკვე დაამთავრა, ამჟამად, რეზერვუარს აწყობენ.
