ბექა ქორჩილავა: “ნაციონალურ მოძრაობას” 8 000 ლარი პირადი დანაზოგიდან შევწირე

145

წინა სტატია

გორის მუნიციპალიტეტის საკრებულოს წევრი ენმ-დან მის მიერ გაღებულ შემოწირულობის საკითხს ეხმაურება. ინფორმაციას რადიო მოზაიკა ავრცელებს.

ბექა ქორჩილავას განმარტებით, თანხა საკუთარი პარტიის ანგარიშზე პირადი შემოსავლიდან გადარიცხა.

“მე მაქვს კანონის სრული დაცვით შემოსავალალი, რომელიც საკრებულოში ფრაქცია ენმ-ს თავმჯდომარეობისას მქონდა ასახული დეკლარაციაში. ხოლო თუ მაინც აქვს კითხვები ვინმეს ჩემს შემოსავლებთან დაკავშრებით, შეუძლიათ მიმართონ შესაბამის სამსახურს. რაც შეეხება ჩემს კეთილ ნებას, მე მზად ვარ, ჩემი შემოსავლიდან წვლილი შევიტანო ოლიგარქის მოშორებაში და მოსახლეობის უკეთესი მომავლის შექმნაში”, – აღნიშნა ბექა ქორჩილავამ.

ინფორმაციისთვის, ბექა ქორჩილავა ერთი წელია, საკრებულოს რიგითი წევრია და თანამდებობას აღარ იკავებს. შესაბამისად, ბიუჯეტიდან ის მხოლოდ საკრებულოს წევრის ხარჯის თანხას 400 ლარს იღებს.

მის მიერ შევსებული დეკლარაციის მიხედვით კი, გასულ წელს ფრაქციის თავმდჯომარეობიდან მან სულ 3 216 ლარი მიიღო. ასევე, 3 500 ლარამდე შემოსავალი ჰქონდა სოფლის მეურნეობის პროდუქტების რეალიზაციიდან.