აჭარის ავტონომიური რესპუბლიკის უმაღლესი საბჭოს აგრარულ და გარემოს დაცვის საკითხთა კომიტეტმა ცნობად მიიღო და მხარი დაუჭირა 2020 წლის რესპუბლიკური ბიუჯეტის პირველი კვარტლის შესრულების მიმოხილვის ბიუროს სხდომაზე გატანას.
აჭარის უმაღლესი საბჭოს ინფორმაციით, გადაწყვეტილება კანონმდებლებმა კომიტეტის 27 მაისის სხდომაზე მიიღეს, რომელზეც მოხსენებით ფინანსთა და ეკონომიკის მინისტრი ჯაბა ფუტკარაძე წარსდგა.
“საბიუჯეტო მაჩვენებლების წარდგენის შემდეგ, მინისტრმა უპასუხა სოფლის მეურნეობის მიმართულებითა და საგანგებო მდგომარეობის დროს განხორციელებულ საშეღავათო ღონისძიებებთან, ასევე მიმდინარე ინფრასტრუქტურულ პროექტებთან დაკავშირებით კომიტეტის თავმჯდომარის – ვახტანგ წულაძისა და კომიტეტის სხვა წევრების მიერ დასმულ შეკითხვებს,” – ნათქვამია ინფორმაციაში.
