გიგა შუშანია: ქუთაისის მერიაში ჭიღვარიას კადრებზე ნადირობა გამოცხადდა

71

წინა სტატია

ქუთაისის საკრებულოს ფრაქცია “ნაციონალური მოძრაობის” თავმჯდომარე, გიგა შუშანია, მერიის სამსახურის უფროსების მიერ თანამდებობის დატოვებას პოლიტიკურ ნადირობად აფასებს.

მისი თქმით, გიორგი ჭიღვარიას გადადგომის შემდეგ, მისი კადრების გაშვებას ცდილობენ.
“ნაცვლად იმისა, რომ იფიქრონ როგორ დაეხმარონ შიმშილის ზღვარზე მყოფ ადამიანებს, დაკავებული არიან ჭიღვარიას კადრებზე ნადირობით. ახლა ამის დრო ნამდვილად არ არის”, – განაცხადა გიგა შუშანიამ.
ბოლო ორ დღეში ქუთაისის მერიაში პოსტი ორი სამსახურის უფროსმა დატოვა. თანამდებობაზე უარი ადმინისტრაციული და აუდიტის სამსახურის უფროსებმა თქვეს. ოფიციალური ინფორმაციით, სამსახურის უფროსებმა პოსტები პირადი განცხადების საფუძველზე დატოვეს.
ქუთაისის მერმა გიორგი ჭიღვარია თანამდებობა 8 აპრილს დატოვა.  მას წასვლის მიზეზებზე არ უსაუბრია.