ჩოხატაურის მუნიციპალიტეტში 22 ოჯახს 4 ჰექტარი მიწა უსასყიდლოდ დაუმუშავეს, – ამის შესახებ ჩოხატაურის მერი ირაკლი კუჭავა საკუთარ ფეისბუქ გვერდზე პოსტს აქვეყნებს.
როგორც კუჭავა წერს, პირს, ვინც მოსახლეობას მიწის დამუშავებაში უსასყიდლოდ დაეხმარა, საკუთარი ვინაობის გამხელა არ სურს.
აღსანიშნავია, რომ ანალოგიური მხარდაჭერა შიდა ქართლში საოკუპაციო ხაზთან მდებარე ოთხი სოფლის მოსახლეობასაც აღმოუჩინეს. კომპანია “აკა ენერჯის” ფინანსური მხარდაჭერით მიწის ფართობები მუშავდება და მოსახლეობას სათესლე მასალაც გადაეცემა.
