კრწანისის რაიონში, გორგასალის ქუჩაზე ახალი სკვერისა და სტადიონის მოწყობის სამუშაოები მიმდინარეობს.
სამუშაოები აქტიურ რეჟიმშია და სტადიონის მოწყობის პარალელურად, თანამედროვე ტრენაჟორების სივრცის მოწყობაც დაიწყო.
მოსასვენებელი ზონა 2880 კვ.მ-ზე განთავსდება. ქუჩის კალათბურთის მოედანი თანამედროვე ინვენტარით აღიჭურვება და ასევე, მიმდებარედ მოეწყობა დასასვენებელი ზონა, დამონტაჟდება განათების სისტემა და ტერიტორია სხვადასხვა ჯიშის ხე-მცენარით გამწვანდება.
სამუშაოები, რომლის განსახორციელებლად გამგეობის ბიუჯეტიდან 103 000 ლარია გამოყოფილი, მიმდინარე წლის ოქტომბრის ბოლოს დასრულდება.
