ბათუმში მაიაკოვსკის ქუჩაზე, დაახლოებით, 3 კვირის განმავლობაში ავტოტრანსპორტის მოძრაობა შეიზღუდება

როგორც ბათუმის მერიაში განმარტავენ, მაიაკოვსკის ქუჩაზე სარეაბილიტაციო სამუშაოები მიმდინარეობს, რის გამოც გარკვეულ მონაკვეთებზე ავტომობილების გადაადგილება დროებით შეიზღუდება. მათი ინფორმაციით, საავტომობილო მოძრაობა ჩვეულებრივი რეჟიმით, სავარაუდოდ, 3 კვირის შემდეგ აღდგება.

მაიაკოვსკის ქუჩის რეაბილიტაცია 2019 წლის ივნისში უნდა დასრულდეს. სარეაბილიტაციო სამუშაოების ღირებულება 4 703 999 ლარს შეადგენს.