ბათუმში ჭავჭავაძისა და ლერმონტოვის ქუჩების კვეთაზე გარემოვაჭრეებს დღეიდან ვაჭრობა აეკრძალათ. როგორც მერიაში აცხადებენ, გარემოვაჭრეებმა გაფრთხილება გუშინ მიიღეს.
“შეთანხმებისამებრ, საკუთარი პროდუქციის რეალიზების მიზნით, ისინი ე.წ. ბონის ბაზარში გადავლენ”, – განმარტავენ ბათუმის მერიაში.
როგორც მერიაში აცხადებენ, უკანონოდ მოწყობილი გარევაჭრობისგან ქალაქის ქუჩების გათავისუფლება გასულ კვირას, წერეთლის ქუჩიდან დაიწყო და ეტაპობრივად გაგრძელდება.
