სიღნაღის ისტორიულ გალავანს პირვანდელი სახე დაუბრუნდა. თაღს ღია კრემისფრად შეღებილი ნალესი ფენა მოაცილეს. ინფორმაციას კახეთის ხმა ავრცელებს.
სიღნაღის მერის მოადგილის მადონა ბატიაშვილის ინფორმაციით, სიღნაღის გალავნის ამ ნაწილს ბოლოს 60-70-იან წლებში ჩაუტარდა რესტავრაცია.
“პატარა და დიდი თაღის სრული რეაბილიტაციის საკითხს 2019 წლის ბიუჯეტში გავითვალისწინებთ. ამ საკითხის განხილვაში აუცილებლად იქნება ჩართული კულტურული მემკვიდრეობის დაცვის ეროვნული სააგენტო. მათ რეკომენდაციებს გავითალისწინებთ და უძველესი თაღების აღდგენითი სამუშაოები მხოლოდ ამის შემდეგ დაიწყება“, – განაცხადა მადონა ბატიაშვილმა.
შეგახსენებთ, სიღნაღში ისტორიული გალავნის თაღი რამდენიმე თვის წინ თვითნებურად გადაღებეს. კულტურული მემკვიდრეობის სააგენტომ სამშენებლო კომპანია 12 ათასი ლარით დააჯარიმა.
