შპს „სოკარჯორჯია გაზი“ დუშეთის მუნიციპალიტეტის ჭართლის ადმინისტრაციულ ერთეულში გაზიფიცირების სამუშაოებს აწარმოებს.
მერიის ცნობით, ამ ეტაპზე შიდა ქსელის მოწყობა და მოსახლეობის ინდივიდუალური გამრიცხველიანება სამ სოფელში – ჭართალში, სონდასა და მენესოში მიმდინარეობს.
როგორც მერიაში აცხადებენ, აღნიშნული სამუშაოების დასრულების შემდეგ შპს “სოკარჯორჯია გაზი“ გაზიფიცირების საჭირო სამუშაოებს ჭართლის ადმინისტრაციული ერთეულის კიდევ სამ სოფელში – ჩიტაურებში, ჭალისოფელში და ზენუბანში განახორციელებს.
