ყვარელში UEFA-ს სტანდარტების საფეხბურთო სტადიონი აშენდება

1009

ყვარელში UEFA-ს მეორე კატეგორიის საფეხბურთო სტადიონის მშენებლობა იგეგმება. საპროექტო დოკუმენტაციის მომზადების მიზნით გამოცხადებულია ტენდერი, რისთვისაც 180 ათასი ლარია გათვალისწინებული. ინფორმაციას BM.GE ავრცელებს.

სწორედ დოკუმენტაციის მომზადების შემდეგ გაირკვევა, რა დაჯდება 2 000 კაცზე გათვლილი, დახურულ ტრიბუნიანი სტადიონის მშენებლობა, რომელსაც მუნიციპალური განვითარების ფონდი დააფინანსებს.

აღნიშნული ობიექტი, გასული საუკუნის 80-იან წლებში დაწყებული და დაუსრულებელი სპორტული კომპლექსის ტერიტორიაზე უნდა აშენდეს.

უეფას წესების მიხედვით, მეორე კატეგორიის სტადიონზე, ნებადართული იქნება საქართველოს ეროვნული ჩემპიონატის, ევროლიგის ფლეი ოფისა და ჩემპიონთა ლიგის პირველი და მეორე ეტაპის მატჩები. ასევე, საქართველოს ეროვნული ნაკრების ამხანაგური და ყველა ახალგაზრდული ნაკრებების ოფიციალური და ამხანაგური მატჩების ჩატარება.