ქალაქ ფოთში კუნძულის უბანს რეაბილიტაცია ჩაუტარდება.
ფოთის მერმა გოჩა კურდღელიამ, კუნძულის უბნის მოსახლეობას ზღვის სანაპირო ზოლის რეაბილიტაციის საპროექტო წინადადებები გააცნო.
მერიის ცნობით, პროექტით, რომლის სავარაუდო ღირებულება 3 000 000 ლარია, ფილებისა და ჯებირის რეაბილიტაცია, საფეხმავლო და საავტომობილო გზის, სავარჯიშო ზონების, საჩრდილობლების, სასმელი წყლის შადრევნების, სპორტული მოედნის, ვეტერანთა სახლის, ავტოსადგომის და სხვა ობიექტების მოწყობა-რეაბილიტაცია იგეგმება.
“აღნიშნული პროექტი ახალ ბიზნეს წამოწყებებსაც შეუწყობს ხელს. უბნის მოსახლეობა ადგილობრივი ხელისუფლების გეგმას პოზიტიურად აფასებს”,- ნათქვამია მერიის მიერ გავრცელებულ ინფორმაციაში.
აღსანიშნავია, რომ “კუნძულის უბნის” რეაბილიტაცია რეგიონებში განსახორციელებელი პროექტების ფონდიდან დაფინანსდება.
