ბობოყვათში მრავალწლიანი პრობლემა მალე მოგვარდება და 1000-ზე მეტი ოჯახი შეუზღუდავი წყალმომარაგებით იქნება უზრუნველყოფილი, – ამის შესახებ ქობულეთის ადგილობრივი ხელისუფლება იყწყება.
უწყების ცნობით, სოფელ ბობოყვათში, მოსახლეობის თხოვნის გათვალისწინებით, წყალსადენის სისტემის რეაბილიტაცია მიმდინარეობს. სისტემის შიდა ქსელი მოძველებული იყო და ხშირად ზიანდებოდა მილები, რაც წყალმომარაგების შეზღუდვას იწვევდა.
ქობულეთის მერია აღნიშნული პროექტის განსახორციელებლად 972 885 ლარს დახარჯავს. პროექტი სათავე ნაგებობის რეაბილიტაციას, ცენტრალური და შიდა ქსელების მოწყობასა და აბონენტთა გამრიცხველიანობას ითვალისწინებს.
