2023 წელს გორის მერია, სამოქალაქო ბიუჯეტის ფარგლებში, რამდენიმე სკვერის მოწყობას გეგმავს

423

გორის მუნიციპალიტეტის მერია 2023 წელს გორში რამდენიმე სკვერის მოწყობასა და რეაბილიტაციას გეგმავს. ინფორმაციას რადიო მოზაიკა ავრცელებს.

საპროექტო – სახარჯთაღრიცხვო დოკუმენტაციის შესადგენად უწყებამ ტენდერი გამოაცხადა, რისთვისაც ბიუჯეტიდან 28 790 ლარი აქვს გათვალისწინებული.

მერიას სამოქალაქო ბიუჯეტის ფარგლებში სურს სხვადასხვა ადგილას დასავენებელი სკვერების მოწყობა.  საორიანტაციო თანხად კი 755 000 ლარს ვარაუდობს.

  • სტალინის ქუჩა N5 – ის მიმდებარედ, დასასვენებელი გასართბობი სკვერის და სავარჯიშო ტრენაჟორების მოწყობა;
  • გასართობი დასასვენებელი სკვერის მოწყობა,  (გასართობი დასასვენებელი სკვერი “მშვიდობა”. 1200-1300 კვ.მ ფართობზე. სკამები, ჭადრაკის დაფა, ადაპტირებული შშმ პირებზე.);
  • სამადაშვილისა და კეცხოველის ქუჩების კვეთაზე არსებული სკვერის რეაბილიტაცია  და ფრენბურთის მოედნის მოწყობა;
  • ქ. გორში,  ვოლოგდის დასახლებაში, ცხინვალის გზ. 41 – ის  არსებული სკვერის რეაბილიტაცია. ( ს/კ: 66.45.06.077)   რეაბილიტაცია ატრაქციონებით, სკვერში სასმელი წყლის მოწყობა, გადახურული “ბესეტკა”, განათება;
  • ქ. გორში,  გვერდწითელისა და ნადირაძის ქუჩების კვეთის მიმდებარედ  სკვერისა და მინი-სტადიონის მოწყობა;
  • ქ. გორში სამების და პეტრიაშვილის ქუჩის მიმდებარედ მოსასვენებელი სკვერის მოწყობა სკამებით, კალათბურთის ფარითა და დეკორატიული განათებით. სკვერი საჭიროებს რკინის ბადით შეღობვას;
  • სკრაში არსებულ საფეხბურთო სტადიონთან.საბავშვო სკვერის მოწყობა;
  • სოფელ ტინისხიდში,  ტრენაჟორებისა  და სკვერის მოწყობა;
  • სოფელ ფლავისმანში არსებულ სკვერში ბავშვთა გასართობი სივრცის მოწყობა და სკვერის ნაწილობრივი რეაბილიტაცია;
  • სოფელ ხიდისთავში სკვერისა და ტრენაჟორების მოწყობა (ოხერას უბანში სტადიონთან ან ყოფილი კლუბის გვერდით ტერიტორიაზე).