რა ინფრასტრუქტურული პროექტები განხორციელდება თიანეთში. ინფორმაციას თიანეთის მუნიციპალიტეტის მერია ავრცელებს.
მიმდინარე წელს, თიანეთის მუნიციპალიტეტსა და საქართველოს განათლებისა და მეცნიერების სამინისტროს შორის გაფორმებული მემორანდუმის ფარგლებში, თიანეთში შემდეგი ინფრასტრუქტურული პროექტები განხორციელდება:
- დაბა სიონის საჯარო სკოლაში მოეწყობა ცენტრალური გათბობის სისტემა;
- თიანეთის №2 საჯარო სკოლაში მოხდება სპორტული დარბაზის რეაბილიტაცია და მოეწყობა პანდუსი;
- სოფ. ჟებოტის საჯარო სკოლაში მოხდება სპორტული დარბაზისა და ღობის რეაბილიტაცია;
- სოფ. ზარიძეების საჯარო სკოლაში მოხდება სპორტული დარბაზის რეაბილიტაცია;
- სოფ. ტუშურების საჯარო სკოლაში გარემონტდება შენობის გარე ფასადი და მოეწყობა სკოლასთან მისასვლელი ბილიკი;
- სოფ. სიმონიანთხევის საჯარო სკოლაში მოხდება სპორტული დარბაზის რეაბილიტაცია, განხორციელდება სკოლის ღობისა და ჭიშკრის მოწყობის სამუშაოები.
აღნიშნული ინფრასტრუქტურული პროექტები დაფინანსდება ცენტრალური ბიუჯეტიდან, ხოლო საპროექტო-სახარჯთაღრიცხვო დოკუმენტაციის შესყიდვის ხარჯები დაიფარება ადგილობრივი თვითმმართველობის ბიუჯეტიდან.
