წყალტუბო-ქუთაისის ცენტრალურ მაგისტრალზე გარეგანათების ქსელის სარეაბილიტაციო სამუშაოები მიმდინარეობს. ინფორმაციას წყალტუბოს მუნიციპალიტეტის მერია ავრცელებს.
უკვე დასრულებულია ნათურების გამოცვლა, ამჟამად კი, არსებული 8 კმ-იანი მკვებავი კაბელის ქსელის რეაბილიტაცია მიმდინარეობს.
წყალტუბოს მუნიციპალიტეტის მერის გრიგოლ იოსელიანის ინფორმაციით, სამუშაოები მარტის თვის ბოლომდე დასრულდება.
წყალტუბო-ქუთაისის ცენტრალური გზის გარეგანათების საკაბელო ქსელის რეაბილიტაციისთვის თანხები ადგილობრივი ბიუჯეტიდან გამოიყო.
