ქალაქ კასპში, ე.წ ქეჩარუხის დასახლებაში, კანალიზაციის ცენტრალურ მაგისტრალს რეაბილიტაცია ჩაუტარდება. ამის შესახებ შიდა ქართლის საინფორმაციო ცენტრი კასპის გამგეობაზე დაყრდნობით წერს.
კასპის მერიის ცნობით, კანალიზაცია ოთხ ქუჩაზე მოწესრიგდება: ლესელიძის, მეტეხის, ქვათახევისა და სამების ქუჩები.
გარდა ცენტრალური მაგისტრალისა, საკანალიზაციო ქსელი შეიცვლება სამების, ქვათახევის და მეტეხის ქუჩების გადაკვეთაზე.
სამუშაოებზე ჯამში 495 000 ლარი დაიხარჯება.
